Hindi ka mahina
Hindi ka walang magagawa
Hindi mo dapat maliitin ang iyong sarili
Upang hindi mo maliitin ang ibang kauri.
Ikaw ay may kakaibang galing
Galing at husay na wala sa iba
Sa lahat ng bansa ay kinikilala
Bumababa ang iba kapag sa iyo kinumpara.
Ikaw ay matapat, marangal
Masipag, matapang, mapagkakatiwalaan
Saludo ang iyong mga kababayan
Kahit ang mga banyagang dayuhan.
Pero… bakit ngayon, may bago kang drama
Maralitang aba na aping kawawa
Dukhang hampaslupang sayad sa lupa
Na pinaglihi sa sumpa dahil sa pilipit na mukha.
Kahinaan sa loob, tinanggap mo na
Kawalang pag-asa na lang ang iyong nakikita
Ligaw, lito, at lupaypay – handang dumapa sa pagkatalo
Na parang wala ng liwanag ang buhay sa dulo
Nalimutan mo na ba kung sino ka
Nalimutan mo na ba na lahing mandirigma ka.
Nalimutan mo na ba na ikaw ay pinili ng Maylikha
Ginawang anak Niya dahil mahal ka.
Hey! Bumangon ka na! Gumising ka sa katotohanan
Simulan mo ng umahon sa putik ng kadustaan
Kayang-kaya mong abutin ang bagong buhay
Dahil ang dugo mo’y maharlika – KASE, FILIPINO KA!
by Admin, Pinas.news