“I move that adequate protection be provided to Mr. Ramil Madriaga.” — Chel Diokno
“Ramil Madriaga is a polluted source. And now we’re going to give credence to a polluted affidavit?” — Rufus Rodriguez
Naging mainit ang pagdinig sa House Committee on Justice matapos magbanggaan ang mga mambabatas tungkol sa seguridad at kredibilidad ng testigong si Ramil Madriyaga.
Polluted Source
Ang tensyon ay nagsimula nang kuwestiyunin ni Cagayan de Oro Rep. Rufus Rodriguez ang pagbibigay ng proteksyon sa naturang testigo. Tinawag niya itong “polluted source” dahil sa mga kinakaharap na kasong kidnapping at murder.
Gayunpaman, agad itong sinalubong ng matinding pagtutol nina dating Rep. Laila De Lima at Rep. Chel Diokno.
Naghain ng mosyon si Diokno para matiyak ang kaligtasan ni Madriaga habang ito ay magtetestigo. Hiniling niya ang tulong ng National Bureau of Investigation para bantayan ang testigo sa loob ng piitan.
Mahalaga raw ito upang hindi malagay sa panganib ang buhay ng testigo habang nagpapatuloy ang proseso.
Nanindigan si Rodriguez na hindi nararapat bigyan ng special treatment ang isang taong may mabigat na kriminal na background.
Samantala, iginiit naman nina De Lima at Diokno na karapatan ng bawat testigo ang proteksyon sa ilalim ng batas.
Ipinaliwanag ni Chel Diokno ang kahalagahan ng pagbibigay ng sapat na seguridad para sa kanilang testigo. Kasama sa hiling niya ang pagbabantay ng NBI sa kasalukuyang lokasyon ni Madriyaga.
Bukod dito, dapat ding masiguro ang kaligtasan nito tuwing ibibiyahe siya papunta sa mga pagdinig. Sumang-ayon ang Madam Chair na kailangang maging secured ang lugar kung saan ito mamamalagi habang nagbibigay ng pahayag.
Pumatay ng Pulis
Nagsalita si Rufus Rodriguez upang ipaalala sa komite ang madilim na rekord ni Madriaga sa batas. Binanggit niya na ang testigo ay nakakulong sa Camp Bagong Diwa dahil sa pagkamatay ng isang pulis.
Ayon kay Rodriguez, hindi dapat paniwalaan ang affidavit ng isang taong may ganitong uri ng mga kaso. Dahil dito, paulit-ulit niyang tinawag na “polluted source” ang testigo na naging mitsa ng mainit na debate.
>More: Kinuwestiyon ni Marcoleta si Jinky Luistro sa pabago-bagong standards
Hindi pinalampas ni Laila De Lima ang mga naging pahayag ni Rodriguez laban sa kanilang panig. Iginiit niya na masyado pang maaga para husgahan ang kredibilidad ng isang hindi pa naman sumasailalim sa questioning.
Ayon kay De Lima, dapat ay sa aktwal na pagtestigo na lamang talakayin ang mga isyu sa karakter ng testigo. Kaya naman, naghain siya ng mosyon para burahin ang mga negatibong salita ni Rodriguez sa opisyal na rekord.
Matapos ang masusing botohan, nanaig ang desisyon ng nakakarami sa House Committee on Justice. Nakakuha ng 35 na boto ang mosyon ni Diokno para sa protective custody ni Madriaaga.
Samantala, 34 na miyembro naman ang sumang-ayon na tanggalin sa rekord ang bansag na “polluted source”. Sa huli, tanging si Rodriguez lang ang bumoto laban sa dalawang mahalagang mosyong ito.
Ang desisyong ito ay bahagi ng mas malawak na pagdinig para sa impeachment complaint laban kay Vice President Sara Duterte.
