Nakatakdang pag-usapan ng Senado ang posibleng pag-aresto kina Senator Bato dela Rosa at Senator Bong Go matapos silang pangalanan ng International Criminal Court (ICC) bilang mga co-perpetrators sa drug war ni dating Pangulong Rodrigo Duterte.
Kasama ang dalawang senador sa walong opisyal na idiniin ng ICC Office of the Prosecutor sa mga kasong crimes against humanity.
Ayon sa mga dokumento, nagkaroon diumano ng common plan para pumatay ng mga pinaghihinalaang kriminal mula 2011 hanggang 2019.
Ang Malacañang naman ay nanindigang kailangang sumunod sa legal process at makipagtulungan sa Interpol para sa implementasyon ng anumang arrest warrant.
Inihayag ni Communications Undersecretary Claire Castro na obligasyon ng bansa na ipatupad ang mga warrant kahit nag-withdraw na ang Pilipinas sa Rome Statute.
Sinabi rin niya na ang pagsuko sa mga akusado ay isang choice ng administrasyon para masiguradong hindi mapupulitika ang paglilitis.
Binigyang-diin ng Palasyo na ang ICC ay isang neutral venue kaya mas mapagkakatiwalaan ng publiko ang magiging desisyon ng mga hukom.
Kasalukuyang naghihintay ang gobyerno ng opisyal na kopya ng mga warrant of arrest bago gumawa ng susunod na aksyon.
Dahil sa mga development na ito, naghain ang Senate Minority Bloc ng Resolution No. 307 para unahin ang mga local judicial remedies at protektahan ang mga miyembro nito laban sa extraordinary rendition.
Iginiit nina Minority Leader Alan Peter Cayetano na ang pag-aresto ng ICC ay direktang paglabag sa soberanya at constitutional framework ng Pilipinas.
| Related: “Patawad kung tinulungan kong mahalal si BBM bilang pangulo.” -VPSD
Ayon sa grupo, dapat igalang ang presumption of innocence at bigyan ng sapat na pagkakataon ang mga akusado na dumaan sa lokal na sistema ng hustisya.
“If the interpretation is that when there is an arrest order from the ICC or any international court, we will immediately pick them up and take them to another country, it is very dangerous.”
Pinayuhan naman ng Palasyo ang mga pinangalanang opisyal na huwag magtago at harapin nang matapang ang mga paratang sa ICC.
Ayon kay Usec. Castro, ang pag-iwas sa warrant ay maaaring tingnan bilang pagtakas sa pananagutan sa batas.
Naniniwala ang gobyerno na kung talagang walang kasalanan ang mga opisyal ay mapapatunayan nila ito sa pamamagitan ng acquittal sa tamang proseso.
“They do not need to go into hiding if they know they are innocent. They should face the matter and be courageous in going through the necessary processes.”
Itinanggi naman ni Senator Bong Go ang mga alegasyon at tinawag itong unfounded at one-sided.
Si Senator Bato dela Rosa ay matagal na ring hindi nakikita sa mga sesyon ng Senado mula pa noong Nobyembre 2025.
Bukod sa dalawa, damay din sa listahan nina Duterte sina dating Justice Secretary Vitaliano Aguirre II at ilang dating matataas na opisyal ng PNP at NBI.
Tatalakayin naman ng Senate Majority Bloc ang kanilang magiging hakbang kung sakaling dumating na ang mga warrant mula sa ibang bansa.
May mainit ding usapin kung pananatilihin ang tradisyon ng Senado na bawal arestuhin ang mga miyembro nito habang in-session ang Kongreso.
Sa ngayon, nananatiling matibay ang posisyon ng administrasyong Marcos sa pakikipag-ugnayan sa Interpol para sa ikalulutas ng mga kaso.
Nakatakda ang confirmation of charges hearing ni dating Pangulong Duterte sa darating na Pebrero 23, 2026.
