Nalungkot si Alex Gonzaga matapos makunan sa ikatlong pagkakataon at humingi ng paumanhin sa kanyang asawa na si Lipa City Councilor Mikee Morada.

In-upload niya ang isang vlog noong Lunes, January 27, kung saan ibinahagi niya ang kanyang pagbisita sa ospital para sa isang medical procedure, kasama si Mikee.

“My favorite memory is when my husband made sure I was happy before my medical procedure,” ani Alex sa Instagram

MORE: Elon Musk nagpakita ng kabaitan sa problemadong cashier staff ng Starbucks

Nagpunta siya sa mga medical centers sa Lipa upang magbigay ng tulong sa mga bagong panganak na ina, habang pilit niyang pinigilan ang kanyang mga luha.

“Hindi ko alam bakit ko ‘to ginawa sa sarili ko. Feeling ko ang tapang kong babae. Kanina pa ako naiiyak… ayoko namang bigla akong magdrama d’un,” sabi niya.

Ibinunyag ni Mikee na naranasan nila ang miscarriage dahil sa blighted ovum noong December 2024, kung saan hindi nag-develop bilang embryo ang fertilized egg.

Nag-consult sila sa dalawang OB-GYN at sa pangalawa nilang doktor, narinig nila ang tibok ng puso ng kanilang anak.

“Dearest Mikee, I’m so sorry again for our loss. The little miracle we had will always stay with us. Let’s keep believing. By God’s grace, we will have the family we have always prayed for,” isinulat ni Alex kay Mikee.

Naalala ni Mikee na agad silang nagpa-check-up nang malaman nilang buntis si Alex, at lumabas na maayos ang resulta.

“Tapos nag-decide na kami na mag-iingat na talaga siya, and then the second week, okay pa ‘yung ultrasound, hanggang doon sa pangatlong linggo, sabi sa amin ng doctor sa ultrasound, ‘Nako, wala na namang laman,’” ikinuwento niya.

Tinanggap nila ang sakit, ngunit mas naging matatag sila ngayon kumpara sa unang miscarriage. Naghanap sila ng second opinion, narinig ang heartbeat na nasa 65 BPM, ngunit nawala ito noong December 28.

Tumango lang sila nang magkatinginan at pag-uwi sa bahay, doon na umiyak si Alex.

“Ang gusto lang naman niyan kapag may mga ganyan nandiyan ka sa tabi niya at nilalambing mo rin siya at you just there for her morally and physically,” ibinahagi ni Mikee.

Ipinahayag niyang mas lumalim ang kanilang relasyon dahil sa mga pagsubok.

“Mas lalong lumalalim yung pagmamahalan namin. Dati, ang liliit na bagay na petty pag-awayan, ngayon mas naka-focus kami sa kung paano ma-appreciate, mapasaya, at masuportahan ang isa’t isa,” aniya.

Ibinunyag din niya na unang nakunan si Alex noong 2021, sumunod noong 2023, kung saan sinubukan nilang IVF ngunit hindi rin nagtagumpay.

Follow us on our social media:
📺www.youtube.com/@PinasNews
👉www.facebook.com/pinasnewstv