Isang mainit na pagtatalo ang sumiklab sa pagdinig ng House Quad Committee (QuadCom). Ang sentro ng isyu? Si Police Colonel Hector Grijaldo. Inakusahan siya ng pagiging ‘uncooperative’ at ‘disrespectful’ dahil sa paulit-ulit niyang pagtanggi na sagutin ang mga tanong.

Ang Pagmamatigas ni Grijaldo

Si Grijaldo, na dating nag-akusa na pinilit siya ni Cong. Benny Abante at Cong. Dan Fernandez, ay ngayo’y tila hindi diretsahang masabi ang mga naunang paratang sa dalawa. Paulit-ulit niyang sinasabi: “I invoke my right against self-incrimination.” Ibig sabihin, ayaw niyang sumagot dahil baka daw makasama sa kanya ang kanyang sasabihin.

Hindi ito nagustuhan ng mga miyembro ng QuadCom. Sabi ni House Deputy Speaker Jayjay Suarez: “You made these claims, which dominated the news for weeks, and now you’re hiding behind your right against self-incrimination.” Para kay Suarez, parang nagtatago si Grijaldo sa likod ng kanyang karapatan.

Sabi naman ni Rep. Romeo Acop, na dating pulis din: “That [response] is improper to say. There is no criminal case against you about this,”. Dagdag pa niya, “You are just telling me of your ignorance of the law. Kasama kita sa serbisyo, pero nakakahiya ka,”.

Hindi rin nakapagpigil si Rep. Ace Barbers. “The resource person is out of order, and let it be of record that he is continuously disrespecting this committee by refusing to answer appropriately. Noong nasa Senado ka ang tapang-tapang mo eh. Bakit dito ayaw mo? Magtapang ka rito. Ipakita mo ‘yung the same candor, the same tapang na pinakita mo doon,” sabi ni Barbers.

Bistado sa Video?

Nagpakita ang QuadCom ng isang video. Sa video, nakitang umaalis si Grijaldo sa isang meeting kasama sina Rep. Dan Fernandez at Rep. Benny Abante, pati ang mga abogado ni Royina Garma. Ang nakakagulat, wala siyang kasamang bantay o anumang indikasyon na pinipilit siya. Ito’y taliwas sa kanyang sinasabi na siya’y ‘coerced’.

Ayon sa sworn statement ni Grijaldo: “After a while Congressman Dan Fernandez entered the room and he asked me to sit beside him on the right side then Congressman Abante enter the room and sat on the far end chair on my right one of the lawyers of Gen. Garma stood at my back your honor I would stand by by my statement your honor and I invoke my right for self incrimination”.

Ngunit, nang tanungin siya ni Suarez, paulit-ulit niyang sinabi: “Your honor I will stand by my statement under oath in the Senate your honor and I would like to invoke my right for self incrimination your honor”.

Binasa ni Suarez ang affidavit ni Grijaldo, pero ang tugon pa rin ni Grijaldo: “I will Stand By My statement under oath your honor and I would like to invoke… Again”.

Diretsahang tinanong ni Suarez si Grijaldo kung siya ba’y pinilit: “Your honor, I would like to invoke my right for self… your honor”.

Fernandez at Abante, naging Resource Persons

Sa isang sorpresa, sina Representatives Dan Fernandez at Benny Abante, ang mga inakusahan ni Grijaldo, ay nag-volunteer na maging ‘resource persons’ sa hearing. Ibig sabihin, haharapin nila mismo ang mga tanong tungkol sa isyu.

Sabi ni Fernandez: “We can also be asked [questions] by the members of this committee…we’re willing to go down and vacate our seat here,”.

Nagtanong si Rep. Romeo Acop kung pwede ba silang ma-cite for contempt kung magsisinungaling sila.

Sinagot ni Barbers: “Any member who find you not cooperate, or evading questions from this representation and others, there is no prohibition under our rules that we cannot cite you in contempt,”.

Ang Davao Template at ang Nakaraan

Hindi lang coercion ang pinag-usapan. Kinuwestyon din ang pagkakasangkot ni Grijaldo sa imbestigasyon sa pagkamatay ni Wesley Barayuga noong 2020. Pinag-usapan din ang isang meeting sa Davao noong 2016 kung saan pinaniniwalaang pinlano ang ‘Davao Template’ para sa war on drugs.

Sabi ni Grijaldo, di niya alam ang napag-usapan sa meeting na ‘yon.

Sinabi ni Rep. Zamora: “It’s either one of two things Mr chair. Either kasi hindi naman pwedeng parehas kayong nagsisinungaling. Sinabi Colonel Garma na yun ang napag-usapan sinasabi mo na hindi yun ang napag-usapan or hindi mo ma-confirm na yun ang napag-usapan.

So, para sa akin It’s either one of two things. Una, napag-usapan yung Davao template pero wala ka doon nung napag-usapan yon. Or pangalawa Mr chair ay nandon ka nung pinag-usapan yung Davao template pero ayaw mo aminin kaya sinasabi mo na you cannot confirm this statement,”.

Ang Katotohanan

Sa kabila ng pagmamatigas ni Grijaldo, ang mga miyembro ng komite ay nagpahayag ng kanilang commitment sa paghahanap ng katotohanan. Ayon kay Suarez: “ang layunin lang naman po natin dito ay hanapin gaano man kahirap ang katotohanan,”.

Dagdag pa ni Suarez: “Kung gusto mo mag-usap tayo tungkol sa integridad ng isang tao eh ang pagsabi ng katotohanan is the simplest way to show honor na hindi ka nagtatago at hindi ka nagsisinungaling”.

Malabo!

Sa patuloy na pagdinig, nananatiling malabo ang katotohanan sa likod ng mga alegasyon ni Grijaldo. Ang susunod na mga hakbang, kasama na ang testimonya nina Fernandez at Abante, ang magbibigay linaw kung sino ang nagsasabi ng totoo at kung paano mapapanagot ang sinumang nagtatago ng katotohanan. Mahalaga na ang publiko ay patuloy na magmatyag at maging mulat sa mga nangyayari, dahil ang katotohanan ang siyang magpapatibay sa ating demokrasya.

Sa tingin mo, nagsasabi ba ng totoo si Grijaldo? O lumulusot lang si Abante at Fernandez?

Follow us on our social media:
📺www.youtube.com/@PinasNews
👉www.facebook.com/pinasnewstv